الشاعر الممبدع
حــــا مـــــد زيـــــد
الــــمــــبــــانــــي
ودي أتحمـد لـك الله بالسلامـه , مامدانـي ... كل ماتوصل برحلـه ترجـع برحلـه جديـده
----------------------
دام تدري كل وجـه ٍ غيـر وجـه الله فانـي ... ياخي أكسبلك ثواب وخاف ربـك فـي عبيـده
----------------------
كان فيني عيـب قلي:فينـي العيـب الفلانـي ...كان هرجي مزعلـك فـي شـي قلي:لاتعيـده
----------------------
لعنبوك أن مت بيدك من يفكك مـن أخوانـي ؟ ... لحزنوا ربعي على فرقاي شاللـي تستفيـده ؟
----------------------
أنت منت اللي عشقته أنت أكيد انسـان ثانـي ... ليه صرت بهالبرود وبهالاحاسيـس البليـده ؟
----------------------
قبل أشوفه أجمع اله أحلى القصايد والمعانـي ... وأن لقيته ماعرفت أقـول لـه جملـه مفيـده
الف مره قبلـه أعـد القصيـده مـن لسانـي ... ولعنبوه أن جيت عنده قمت أخربط بالقصيـده
----------------------
ومستعد أكسب رهاني لو بغيت أكسب رهانـي ... وأخدعك بحساس كاذب وأتحدى مـن يصيـده
أبك أنا لي شفت خلّي حط غيري فـي مكانـي ... والله إني لتركه وأن صد لعشـق سيـد سيـده
----------------------
خلني داخل (حدودك) وأجبـر بخاطـر زمانـي ... أكذب بباقي (وعودك) وأصدق بلحظه سعيـده
----------------------
تكفى واليا قلت :تكفى بيع خلـق الله عشانـي ... لاتضيّع من يدينـي فرصـة العمـر الوحيـده
----------------------
يعلم الله شفت منـك ومـن غيابـك ماكفانـي ... كان ماتقـدر تخفـف هـم قلبـي !! لاتزيـده
----------------------
شف غيابك وش يسوي بالصـدور وبالمبانـي ... وأنت تدري كيف كانت صدمت غيابك شديـده
والله أنك لو وصلـت البيـت متأخـر ثوانـي ... مالقيت إلا بقايا مـن حصـاه ومـن حديـده
__________________________________________________ _____________
الــــســــفــــيــــنــــه
ماتقبلـت الفـراق ولا ليـدي فيـه حيـلـه ... آه لو ان الظـروف المقبلـه تكشـف قدرهـا
----------------------
لو يعرف الشخص منّا وش مع الغيب ابيجي له ... كان جنبنا المشاكل من قبـل يوقـع ضررهـا
----------------------
ما هقيت الليله اللـي جابـت الفرقـا طويلـه ... لين صارت ليلة امس بعيني اطول من شهرها
----------------------
والعذاب اللي يذوب بعين مـن يفقـد خليلـه ... عندي اكبر من عذاب العين لو تفقـد نظرهـا
----------------------
من حفر بضلوع قلبـه حفـرةٍ تكفـي قتيلـه ... ليه ما يدفن قتيله بالضلـوع اللـي حفرهـا؟
----------------------
اشتكيتـه للرفـوف وللبـراويـز الهزيـلـه ... وانذعرت من النياح اللي سمعته في صورهـا
واحدٍ حقق جماله كذب اساطيـر الـف ليلـه ... يسكن السبع البحور ويحبس الحـور بدررهـا
----------------------
لو يصوّت للغديـر المنجـرف جفـف سبيلـه ... وان تبسّم للجبـال الصامتـه نطّـق حجرهـا
----------------------
كل حاجه تستوي له. لي بغاهـا تستـوي لـه ... بالنظر واستغفر الله لو بقول : انـه سحرهـا
----------------------
ذاك لو بـس يتمنـا فاكهـة شجـرة ضليلـه ... بس يفتح راحت ايده ويتساقـط لـه ثمرهـا
----------------------
كن ربي سخـر لـه المعجـزات المستحيلـه ... واصبح اسطوره وكل الالسنـه تنقـل خبرهـا
__________________________________________________ _____________
الأم
امي لها بالقلب والجـوف منزلـه ... مكانـة ماكـل محبـوب نالـهـا
----------------------
واسهر اعذب راحة القلب بالشقـا ... واعيش اعاني بس يرتـاح بالهـا
__________________________________________________ _____________
الـــحـــلــــم
غريبـة كـل حلـم يـمـر بـرقـادي تزوريـنـه
والاغرب كيف أحلم الحلم،وارجع واحلمـه بعديـن؟
قبـل يومين،شفتـك بالمنام..وقمـت مـن حينـه!
ونمت أمس،ورجع نفس المنام اللـي قبـل يوميـن
----------------------
أنا اللي قبـل اسافـر شلـت قلبـي مـن شرايينـه
تركته في يـدك مثـل الأمانـه ،واحفظيهـا زيـن
تـرى حفـظ الأمانـه دين..مجـبـورة ترديـنـه
أجل ، مافيه أحد قد قال لك(حفـظ الأمانـة ديـن)؟!
----------------------
من أول مارجعت من السفـر ماشفـت لـك بينـه؟
وأنا اللي كنت أحسبك قبل ادوس ارض المطار..تجين
تكونين أنتي أول شخـص عينـي تحتضـن عينـه
وكنـت أتخيلـك مـن زود فرحـة رجعتي..تبكيـن
وأشـوف بدمعتـك حكيك..وأعرفـه قبـل تحكينـه
واجيب أحلى مـن اللـي بتحكينه،وأتركـك تحكيـن
تقولين:الـوطـن نـور..وأقـول بنور مضـويـنـه
تقولـي لي:غديـت أحلى،وأقول:عيونـك الحلويـن
----------------------
قنـوع بمظهـري ،والـسـم مايـذبـح ثعابيـنـه
على قول المثـل مانـي حلو..لكنـي مانـي شيـن
----------------------
إذا أهـداك الزهـر مره،فأنـا اهديـتـك بساتيـنـه
وإذا ألهاك بفرح ليله، فانـا تهـت لبكـاك سنيـن
وإذا استضعفـتـك أملاكه...وشتـتـك ملايـيـنـه
أنا حتـى فتـات الخبـزة أقسمهـا معـك نصيـن
----------------------
طموحـي ،بـس أجـي وأظفـر بشـي تستحقينـه
تدينـتـه ،تسلفته،سرقـتـه ،مومـهـم منـيـن؟
----------------------
كأنـي مـن كثـر ماارضـى بكـل اللـي تمنينـه
لـو انـك تطلبيـن الله ..يعنينـي، بقـول آمـيـن
----------------------
كثـار الـلـي تحـدونـي وقالـولـي :تحبيـنـه
امانـه ...لاتخلينـي صغـيـر بعينـهـم تكفـيـن
لانــي كـــل ماقالوا(تخون)..اقول:مسكـيـنـه
عليـك الله وأمانه..علميهـم منـ هـو المسكـيـن
----------------------
أنـا خايـف لياطـاح الجمـل تكـثـر سكاكيـنـه
وأنـا ماعـاد بضلوعـي مكـان لطعنـة السكيـن
----------------------
مثـل ماقالو المكتـوب واضـح مــن عناويـنـه
لو ارحل منك للغربه بسافـر مـن ظلامـك ويـن؟
----------------------
كفايه..كـل حـلـم يـمـر بـرقـادي تزوريـنـه
كفاية..مـن تفارقنا..وأنـا ماغمضـت لـي عيـن
__________________________________________________ _____________
الــــســــفــــيــــنــــه
قلب ماحن لوصالي مانـي بحاجـة حنينـه ... وأشهد أنـه مايعـزر بالرفيـع الا هوانـه
----------------------
واحدٍ مثلي اليا من حدتـه عوجـا سنينـه ... ماشكى لقرب أبن ادم لوهو أقرب من أخوانه
----------------------
كان ذبحي بيدك أرحملي من اللـي تفعلينـه ... وأن طلبتـك تذبحينـي ماذبحتينـي لعانـه
----------------------
قلت من باب الميانـه صاحبـك وتعذبينـه ... لعنبوك إرخي معاي أشوي ماصارت ميانـه
----------------------
طعت عقلك يوم قيل إن العقل للبنـت زينـه ... لكن الشرهه علي اللي كنت أحسب إنك تكانه
----------------------
من بعد ماكنتي أنتي في حشاي أغلى سجينه ... بوعدك بطلق سراحك وأتهمينـي بالأدانـه
وين رايـح..؟ لأي دربٍ مايرجـع للمدينـه ... ليه رايح..؟ لان قلبك ماترك قلبـي وشانـه
كيف أبنسى.؟ ربي اللي ملهم القلب السكينه ... مثل ماعانه بقربـك لي نـوى فرقـاك عانـه
----------------------
كان قاسي يجرح أطراف السكاكين السنينـه ... مايطيح وبنتٍ مثلـك حبهـا هـزت كيانـه
والا أنا خابر خفوقـي مايمـد الا الثمينـه ... وإن بغى يغيض الثريا قعد القمـرى وزانـه
مزعلٍ لجلك هنوفٍ رجـت عقـول رزينـه ... وإن تهادت بالطريق الجرهدي تزهر جنانـه
----------------------
جادلٍ كـن الجمـال قبالهـا كتـف يدينـه ... والقمر لو شاورت له ينزح وتقعـد مكانـه
----------------------
كانت أول من تحكم في فـروع الياسمينـه ... وأن تعدتهن تثنـن خيزرانـه .. خيزرانـه
----------------------
بعتها لجلك وصارت لأصغر أطرافك رهينـه ... وألا هي لفتة هدبها تغمـرك ثقـل ورزانـه
----------------------
كنت أهاب البعد عنـك وأطلبـك لاتذكرينـه ... كان خوف من الفراق وخطوت الفرقا جبانه
----------------------
وماقتنعت أن الخيانه للرجل تلـوي يمينـه ... لين ماربي بعثك وذقت من طعـم الخيانـه
----------------------
والا أنا قررت أسافر وأمتطي ظهر السفينـه ... لأن مابه شي واحد يستحق أقعـد عشانـه
__________________________________________________ _____________
كــــحــــيــــلان
يا شـعـر تبقى في نظرهم كـحـيـلان ... وبنظرتي تـسوى عيال الحـمـايـل
حنا الإثنين اخـوان و أكثر من اخـوان ... لو ما اجتمعنا بالنسب و الـسـلايـل
لو نختلف بأسماء وعـروق و أوطـان ... يـبـقـى التـشـابه بينا بالخصايل
__________________________________________________ _____________
من تـحـت لي تـحـت
لو تعرف الخطايا كيف كنـت محـروم ... كان سود الليالي يوم طحـت سمحـت
----------------------
لو هموم المفارق مثـل كـل الهمـوم ... ماتشوفون عينـي بالدمـوع سبحـت
----------------------
ولو تحن المشاكل عقب حب الخشـوم ... كان حبيت خشـم المشكلـه واستحـت
----------------------
بس مالله خلقني مـن بكـاي معصـوم ... وادري انه المحاجر لو تفيض افضحـت
----------------------
والله اني على جرحي صبـور وكتـوم ... لكن ان الدمـوع ان روحـت روحـت
----------------------
دايم ازعل عليها بـس قلبـي رحـوم ... وهي تموت بعذابي من تحت لي تحـت
----------------------
بالحلا هي كوم وباقـي النـاس كـوم ... كفـتٍ عادلوهـا بالبشـر وارجـحـت
حسبي الله على اللـي مابغاهـا تـدوم ... من بعد كيف كانت شوف كيف اصبحت
----------------------
لاتحقـق وصـال ولا فـراق محتـوم ... خطـةٍ قربتنـي للفـشـل وانجـحـت
----------------------
لعنة العشق تبقى مثل ضرب السهـوم ... لو محى الوقت جرحه صورته ما انمحت
__________________________________________________ ___________________
الــــجــــمــــهــــرهـ
إي بالله أخطوا والخطا اللي جابهم عين الصواب ... مبطي وأنا أشوف الطمع يكشف رداهم وأستـره
----------------------
مايملي عيون الحسود بهالزمن غيـر التـراب ... ومن لايتوب من الخطا تحـرم عليـه المعـذره
----------------------
اللي من أولهـا خـراب أكيـد تاليهـا خـراب ... والبندق اللـي ماتثـور فـي هدفهـا تذعـره
ودك اليامن جاتك الغلطه مـن النـاس القـراب ... الصاحب اللـي ماكسبـت محبتـه ماتخسـره
----------------------
مافيه دمع ٍ صوبوه أحبابـي بوجهـي وخـاب ... ولازرق حزنـي علـى غالـي ولافـج انحـره
----------------------
لأني تجنبت الغرق.. عديت من فوق السحـاب ... لأن أكثر أصحابي ورق..ماشفت للطيب إثمـره
----------------------
والله ماحطيـت بيـن الحقد والخـوه حـجـاب ... حتى غدوا ربعي يحدوني على الضيـق أشكـره
----------------------
أثر المصايب ماتجيك إلا مـن النـاس القـراب ... وبهالزمن حتى الخوي اللي تثـق فيـه أحـذره
----------------------
لابارك الله في رفيـق ٍ تزعلـه كلمـة عتـاب ... ولاجمـع الله الرجـال اللـي تفرقهـم مــره
----------------------
عودت نفسـي كـل ماشـددت لليمّـه ركـاب ... مأصد وجهي عن طريــق إلا لياجبـت خبـره
----------------------
الصاحب اللي مايجي من صحبته غير العـذاب ... نذر ٍ علي إن ماهجرني وإلا أنا اللي بـ أهجـره
----------------------
من يفتح لفرقاي باب أفك لـه عشريـن بـاب ... وإذا خويـي مايقـدر خوتـي مــا أقــدره
----------------------
أن روّحوا فأنا بـري منهـم ليـوم الحسـاب ... وإن جرحوا قولوا لهم ماحركـوا فـيّ شعـره
----------------------
شفهم لهم حول السنه ولا خذوا منـي جـواب ... أحسـن دوا للـي يحـاول يستفـزك تحقـره
----------------------
ماكنت أحاتيهم صغيّير ..عاد أحاتيهـم شبـاب ... إما ذخرني صاحبي لليوم الأسود ما أذخـره
----------------------
انا جمعت أوراقهم بكتاب وأغلقـت الكتـاب ... ياوقت لـم اللـي تلمـه وأنثـر اللـي تنثـره
----------------------
عقب أكتئاب البارحه ماعاد انا حمـل إكتئـاب ... الطيب جرجرني وانا مانـيب ناقـص جرجـره
----------------------
اللي يخاف من الظما يترك لنا طـرد السـراب ... واللي ماهو بقـد الظـلام ووحشتـه لايسهـره
----------------------
انا تجرعت الظما ليـن أحتـرق وجهـي وذاب ... انا كسرت بخاطـري قبـل الصداقـه تكسـره
----------------------
انا خسرت اللي غيابه غير عـن كـل الغيـاب ... انـا غفـرت العالـمٍ ماتستـحـق المغـفـره
----------------------
انا أكثر (أنسان) تعلم من كثر ماأخطأ وصـاب ... انا أخر (لسـان) يتكلـم فـي زمـان الثرثـره
----------------------
انا القصيد اللي فزع من دفتـره مليـون نـاب ... وانا الوحيد اللي جمـع مليـون نـاب بدفتـره
----------------------
جفني وجرّحه السهر ، حيلي وهدّته الصعـاب ... دمعي هدر،ضحكي ندر،عمري وضيعـت أكثـره
شيبت بعقـول العرب..هيبـت روس ٍ ماتهـاب ... جمهرت ناس ٍ عمرهـم مايعرفـون الجمهـره
ماصرت ذيـب إلا لأن اللـي تحدونـي ذيـاب ... ما كنت أغيـب إلا لأن العفـو عنـد المقـدره
----------------------
ترى حلاتك لاحملـت لصاحبـك كلمـة عتـاب ... إن مانطقـت بهـا بوجهـه ماتذمـه بظهـره
----------------------
في هالزمن مايملي عيون الحسـود إلا التـراب ... والا الحظيظ.. الطلقه اللـي ماتصيبـه تذعـره
__________________________________________________ _____________
قــرم و فــقــيــر
كـل ذنــب بتذنـبـه بستغـفـره …واحـد مايعـذرك مافـيـه خـيـر
----------------------
دور بصـدري وطـن واستعمـره … عندك مـن الضلـع الأول للأخيـر
عيش فينـي ودمـر اللـي تدمـره … واعتذر لي واعتبـر سـرك في بيـر
----------------------
لاتبشـرنـي بـجـرح وتـذخـره .. لاتعشمنـي بـحـزن وتستخـيـر
ولاتنومـنـي بلـيـل وتـسـهـره … ولاتنـام الا ونـا جفنـي سهـيـر
----------------------
خلنـي مثـل النـجـوم مبعـثـره … عيـش فينـي لاشهيـق ولا زفيـر
----------------------
لاتقـول العفـو عـنـد المـقـدرة … خل قلبك صلـب وحسابـك عسيـر
----------------------
المسـامـح والـزعـل للمـبـزره … والا أنا لانـي زعـول ولا صغيـر
----------------------
ودي أجفـل مـن فراقـك وأحـذره … ودي أعرف لو زعلـت وش يبي يصيـر
----------------------
لو تقدر خاطـري صـدق ،أكسـره … لـو صحيـح تحبنـي لاتستشـيـر
----------------------
أزرع بقلبـي سـبـب يستنـفـره … أثبت أنك غيـر وأن النـاس غيـر
----------------------
شاعـرك ماكـل بنـت تجرجـره … حارت بـه عقـول نـاس ماتحيـر
النسـاء ماحركـوا فيـه شـعـره … ثـار عشـق ومالقـى شـي يثيـر
أن سكـت كـن الوقـار بمنـبـره ... وأن تكلـم زمهـريـر بزمهـريـر
مايحضـر الا القلـوب مجمـهـره … ومايغيـب الا وعشـاقـه كثـيـر
أن هجرتـه تستـقـر بمحـجـره … وأن تبعت رضـاه ماعينـت خيـر
----------------------
اعشقـه لكـن بـعـد ماتقهـره … ابتسـم لـه بـس لاشفتـه كسيـر
حـن لكـن حـن لاجبـت اخبـره … حـب لكـن خـل حبـك بالأخيـر
لو عطيته وجهك أعطـاك ظهـره … صد عنه ويتبعـك مثـل الضريـر
لاتـحـاول تكسـبـه ماتخـسـره … صير ثلج يصير لك مثـل السعيـر
----------------------
ماتميـل الا الغـصـون المثـمـره … ومايسيل من الجـروح الا الغزيـر
----------------------
من قبـل لاتنقهـر منـه أقهـره … قبـل لايستحقـرك خلـك حقـيـر
اسكنه،حـركـ جـموده، بـعثره … عشق،أكره،عاتب،أشره،حن،غيـر
أنثـره ،لملمـه ، لملمـه ، أنثـره … صد يا أخي طير لـو تقـدر تطيـر
----------------------
مـن متـى ونـا تحرالـي مــره … تثبت أنـي لاوقعـت أوقـع كبيـر
----------------------
أبك أنا مقطوع من غصن شجـره … لاصديـق ولارفيـق ولا عشـيـر
بـدوي شيـب الصبـر اشـعـره … ماعرف ريش النعـام ولا الحريـر
أن غفـا كـن السحـاب يـدثـره … وان صحا يفرش من الرمضا حصير
ماخـذ مـن قسـوة البيـد أكثـره … ومن شموخ البـدو شـر مستطيـر
جنتـه صحـراه والشـوك زهـره … والسـراب بنظرتـه مثـل الغديـر
أن فـزع يامشجـعـه يامظـفـره … من خلـق الله وهـو قـرم وفقيـر
كـان ماتقـدره قــل ماتـقـدره … صير غالـي صـدق ولا لاتصيـر
----------------------
شوف لـك واحـد بليـد استحقـره ... واجد اللـي يعشقـون بـلا ضميـر
----------------------
بس أنا لو جبـت لـي ميـة مـره … ماتحـرك فـي شعـره لـو تطيـر
